.jpg "jam dinding unik")
berikut ini adalah cerita lucu bahasa sunda edisi kedua yang kami sajikan khusus untuk para sahabat/pemirsa yang budiman semoga menjadi penyegar dan penyemangat kembali dalam melakukan aktifitas anda sehari- hari.
JAM DI SETASION
Jam karet, eta geus jadi babasan, Kitu di hiji setasion oge. Kareta anu dijadwal tabuh sapuluh, inditna tabuh satengah dua welas. Anu kuduna cunduk kana tabuh dua, tabuh opat kakara puncengis.
"Pa, kepala, taya gunana di setasion aya jam ngadaplok oge, ari karetna hantem-hanteman telat mah." Ceuk salah saurang calon penumpang. Manehna geus keseleun pisan. Pangna nyarita kitu ka kepala setasion teh maksudna mah protes.
Kalawan ayeuna ayem kepala setasion ngajawab, "Ih, kapan ngarah kanyahoan, sabaraha jam karet teh telatna.
ERLOJI TEU ELEH GANCANG
" Erloji bapak dewek mah merekna oge Rolex. Salianti bahanna tina emas teh, di taretes berlian deuih, " Ceuk si A
"Anu lanceuk dewek oge Casio . Lengkep, sagala aya, ti mimiti ukuran sekon tepi ka kalkulator." ceuk si B
"Nya alus anu bapa dewek atuh," Ceuk si C embung eleh omong.
"Enya ari erlojina mah ukur erloji murah, tapi gancangna teu eleh ku erloji mahal.
KEUSIK ANTI REUNGIT
Nina : "Di kamar abdi mah mani seueur reungit, sakitu tos disemprot sareng dipuput ku obat anti reungit oge angger we seueur."
Yani : " Cobian geura simpenan keusik walungan di kamarna."
Nina :" Ih, geuning enteng. Naha leres bakal teu aya reungit? "
Yani : "Piraku atuh abdi bohong."
Nina : "Kedah kumaha keusikna ? "
Yani : " Sapinuhna Kamar.!."
UDUD JEUNG MOBIL
Dina kareta api, diuk pahareup-hareup hiji nonoman jeung lalaki tuwuh. Si nonoman ngan ngelepus wae udud.
" Aya sabaraha bungkus seepna roko dina sadinten? " ceuk lalaki anu tengah tuwuh. Titatadi oge manehna heunteu katenjo udud da tara pisan.
"Lima bungkus, Kang." Tembal nonoman.
"Ih, sanes sakedik-sakedik atuh. Cobi geura upami dilirenan teras artosna tabungkeun. Sadinten seep lima bungkus. Sasasih atos saratus lima puluh bungkus, Tuh pan dina lebet satahun atos sarebu bungkus langkung. Akang mah yakin, upami eta artos kangge meser roko ditabungkeun, dina lebet lima tahun oge atos tiasa meser mobil."
"Akang mah tara pisan nyesep?"
Si tengah tuwuh gideug bari semu reueus. Pokna, kapungkur oge Akang mah tara ngaroko."
"Dupi ayeuna Akang atos kagungan mobil sabaraha hiji?"
"Teu acan gaduh."
"Abdi mah atos gaduh lima," Ceuk si nonoman, kalem, bari nyot deui udud.